បន្ទាយមានជ័យ៖ សហគមន៍កសិកម្មប្រាសាទបន្ទាយឆ្មារ បានរៀបចំពិព័រណ៌កសិផលកសិកម្ម កសិករយើងនៃសហគមន៍កសិកម្មប្រាសាទបន្ទាយឆ្មារ ដើម្បីបង្ហាញពីបច្ចេកទេសក៏ដូចជាផលិតផលដែលផលិតបានទៅដល់កសិករដ៏ទៃងាកមកចាប់អារម្មគាំទ្រវិស័យកសិកម្មនៅកម្ពុជាតាមលក្ខណៈបច្ចេកទេស។

ពិព័ណ៌កសិផលកសិកម្ម កសិករយើងនៃសហគមន៍កសិកម្មប្រាសាទបន្ទាយឆ្មារនេះដែរក៏មានការចូលរួមពីលោកស្រី ឧកញ៉ា ម៉ៅ ម៉ាល័យ កែគឹមយ៉ាន និងអភិបាលខេត្តបន្ទាយមានជ័យលោក អ៊ុ រាត្រី ប្រធានមន្ទីរករសិកម្ម និងក្រុមការងារ កសិករសហគមន៍បានចូលរួម ធ្វើឡើងខាងត្បូងប្រាសាទបារាយណ៍មេបុណ្យ ស្ថិតនៅភូមិបន្ទាយឆ្មារត្បូង ឃុំបន្ទាយឆ្មារ ស្រុកថ្មពួកនៅថ្ងៃទី១៩ ខែមីនា ឆ្នាំ២០២២។

បើតាមការឱ្យដឹងពីប្រធានគណៈកម្មាធិការត្រួតពិនិត្យសហគមន៍កសិកម្មប្រាសាទបន្ទាយឆ្មារលោក ជឿ រតនា បានឱ្យ EAC News ដឹងថា កម្មពិធីតាំងពិពរណ័ ធ្វើឡើងក្នុងគោលបំណងចង់ផ្សព្វផ្សាយពីសក្តានុពល សហគមន៍កសិកម្មប្រាសាទបន្ទាយឆ្មារ ហើយសហគមន៍នេះគឺមានការជម្រុញគាំទ្រពីលោកឧបនាយករដ្ឋមន្ត្រី កែ គឹមយ៉ាន។

លោកបញ្ជាក់ថា៖ «ការរៀបចំពិព័រណ៍នេះឡើង គឺចង់ជំរុញទឹកចិត្តដល់កសិករសមាជិកសហគមន៍ ក៏ដូចជាប្រជាពលរដ្ឋ ឱ្យងាកមកមើលវិស័យកសិកម្ម ដែលធ្វើទៅតាមលក្ខណៈបច្ចេកទេស ហើយយើងសហគមន៍មានការគាំទ្រផងដែរពីការិយាល័កសិកម្មស្រុក និងមន្ទីរកសិកម្មខេត្ត ដែលតែងតែគាំទ្រនូវផលិតផលដែលសហគមន៍ផលិតបានមានផលិតផលកសិកម្មច្រើនមុខ ដើម្បីផ្សព្វផ្សាយសក្តានុពលដល់កសិករសហគមន៍»។

បើតាមលោក ជឿ រតនា សហគមន៍កសិកម្មប្រាសាទបន្ទាយឆ្មារមានផលិតផលកសិកម្មជាច្រើនមុខសម្រាប់ផ្គត់ផ្គងទីផ្សារដោយក្នុងនោះសហគមន៍ក៏បានផ្គត់ផ្គង់ទៅផ្សារក្រៅខេត្តដូចជា ខេត្តសៀមរាប រាជធានីភ្នំពេញ និងផ្សារទំនើបមួយចំនួនទៀត៕